صاحبة امي جابت عريس غني بس ضرير لأختي اللي اصغر مني ، اختي اول ما عرفت قلبت الدنيا وقالت ليه اتجوز واحد اعمى وانا لسه متجوزتش، وشاورت عليا وقالت جوزوه لوفاء هيه مطلقه ومش هتلاقي احسن من كده !!!
أنا وفاء… عندي 27 سنة. السن ده اللي المفروض البنت فيه تكون في قمة شبابها وحيويتها، أنا عشته وكأني عندي 70 سنة من الهم والتعب. اتجوزت تلت سنين، تلت سنين كاملين كنت فيهم زي الجارية. جوزي كان سايبني لحماتي وأخته يعملوا فيا ما بدالهم، كنت شغالة البيت اللي بتصحي من النجمة تنضف وتطبخ وتتهان، وكأن ماليش أي قيمة أو كرامة. وجوزي؟ كان زي حتة الخشب، واقف يتفرج وسكوت سلبي يقتلك بالبطيء. لما خلاص طاقتى خلصت ومبقتش قادرة أستحمل الذل ده، طلبت الطلاق ورجعت لبيت أهلي.
افتكرت إن هنا الأمان، بس للأسف، لقيت نفسي شايلة النصيب الأكبر من ذنب طلاقي في نظرهم. كنتي استحملي يا وفاء، مسير العيشة تتغير، خربتي على نفسك… كلمات كانت بتترمي عليا كل يوم زي الطوب، وكأن الست ملهاش حق تعيش بكرامة.
وفي المقابل، كانت أختي الصغير هالة، دلوعة البيت كله. هالة بتدرس في هندسة، وقربت تتخرج، شابة شايفة نفسها فوق الكل، ومفيش حد عاجبها، والكل في البيت بيعملها ألف حساب وبيدلعها لأنها البشمهندسة اللي لسه بكرتونتها ومستقبلها قدامها.
وفي يوم، الباب خبط. كانت طنط سعاد صاحبة أمي، داخلة ووشها منور وفرحانة على آخرها، وفي إيدها علبة شيكولاتة ٠ قعدت مع أمي وقالت بحماس وصوت عالي
يا أم هالة، جايبالكم بشرى تسوى تقل دهب! فيه شاب لقطة، جمال ومال وعيلة ومفيش منه اتنين، بيدور على عروسة وأنا أول ما شوفت مواصفاته قولت مفيش غير هالة بنتك الصغيره الجميلة!
أمي وشها نور وضحكتها
وصلت لودانها، وهالة خرجت من أوضتها تبتسم بكسوف ودلع. أنا نفسي فرحت من قلبي لأختي، قمت وحضنتها وقولتلها ألف مبروك يا حبيبتي، ربنا يسعدك يارب. كنا كلنا بنضحك والجو كله فرحة، بس طنط سعاد فجأة سكتت، وتعبيرات وشها اتغيرت وظهر عليها التوتر، وقالت بصوت واطي
بس يا جماعة… أنا مكملتش كلامي… هو فيه مشكلة صغيرة بس لازم أقولها بأمانة… العريس حصلت معاه حادثة من فترة، وهو… هو مش بيشوف… يعني ضرير.
الكلمة نزلت كأنها جردل مية ساقعة. هالة فجأة انتفضت ووقفت، ملامحها اتغيرت من الكسوف للغضب والاشمئزاز، وقالت بزعيق وصوت هز البيت
نعم؟! جيبالي واحد أعمى؟ أنا؟! ليه إن شاء الله، ناقصني إيه؟ ده أنا مهندسة والكل بيتماني! أتجوز واحد أعمى أقعد أجرجره في إيدي وأخدمه؟!
أمي هي كمان اتسرعت وقالت بضيق لأ طبعاً يا سعاد، إحنا بنتنا متتعيبش ، هالة لسه صغيرة والف من يتمنوها، مش هنجوزها لواحد بظروف زي دي.
طنط سعاد حاولت تهدي الجو وقالت بحرج يا جماعة اسمعوني بس، ده شاب غني جداً، ومتربي، وعيلته ناس أكابر، ومش هيخليها تعوز حاجة…
هنا هالة قاطعتها بقلة ذوق ، وقالت بنبرة فيها تعالٍ
بقولك إيه يا طنط، لو ماسكين فيه قوي كده وعاجبكم… جوزوه لوفاء! أهي مطلقة وقاعدة في البيت، ومش هتلاقي أحسن من كده!
الكلمة نزلت على دماغي زي الصاعقة. حسيت الأرض بتلف بيا. بصيت لهالة بذهول، أختي اللي لسه حضناها وببارك لها، بتعايرني بطلاقي قدام واحده غريبة؟ بتبيعني البيعة دي كأني بضاعة مركونة في السوق ملهاش تمن؟
واللي كسر قلبي بجد، وخلاني أحس بمرارة عمري ما دوقتها، هو رد فعل أمي. أمي مدافعتش عني، ولا نهرت هالة على قلة أدبها، بالعكس! شوفت في عيونها لهفة غريبة،
ولمعة أمل وكأنها صدقت ما لقت تخلص من همي، وقالت بلهفة سريعة
والله… فكرة يا سعاد! هو فعلاً مش مناسب لهالة خالص… بس مناسب جداً لوفاء! شوفي كده، لو يقبل ياريت!
حسيت في اللحظة دي إني اتكسرت ميت حتة. للدرجادي أنا بقيت رخيصة في نظرهم؟ للدرجادي طلاقي خلاني في نظر أمي وأختي معيوبة ومستوايا ينزل لأي حد هما شايفينه ناقص؟ كأني بقيت فضلة بيت، أي حد يقبل بيا يبقى كتر ألف خيره! دموعي اتجمدت في عيني من كتر الصدمة والوجع.
طنط سعاد بصتلي بحرج شديد، ووشها جاب ألوان، وقالت بصوت متردد وهي بتحاول تلطف الكلام
والله يا أم هالة… مش عارفة أقولكم إيه… هو الشاب أول مرة يتجوز، ومركزه عالي جداً وعيلته صعبة… يعني مش عارفة لو هيقبل بظروف وفاء إنها مطلقة…
الكلمة دي كانت الرصاصة الاسوء. يعني حتى الشاب الضرير ده ممكن يرفضني لأني مطلقة! بصيت لطنط سعاد وعيوني مليانة حسرة وكسرة نفس، بس حاولت أجمع اللي باقي من كرامتي وصوتي طالع مرعوش وضايع
اعرضي عليه يا طنط… ولو وافق… أنا موافقة.
مشيت طنط سعاد، وأنا دخلت أوضتي وقفلت الباب عليا وانفجرت في عياط ملوش آخر. كنت بدعي ربنا وأقول يارب أنا ذنبي إيه؟ أنا هربت من عذاب حماتي عشان ألاقي الإهانة من أهلي؟
أمي وأختي برة كانوا بيتكلموا كأن مفيش حاجة حصلت، وهالة كانت بتضحك وتتكلم في التليفون مع أصحابها، ولا كأنها دبحتي بكلمة.
عدى كام يوم، وأنا مستنية الرفض اللي كنت متأكدة إنه هييجي . وفي يوم، الباب خبط، وكانت طنط سعاد تاني.
دخلت وقعدت، ملامح وشها كانت غريبة جداً، لا هي فرحانة ولا هي زعلانة، كانت مذهولة ومصدومة. أمي جريت عليها وقالتلها بلهفة
ها يا سعاد؟ قوليلي، الشاب قال إيه؟ وافق على وفاء؟
طنط سعاد بصتلي بتوتر واللي قالته وقتها صدمنا كلنا! …
زهرة_الربيع
صلي على حبيب الله
كان البيت كله ساكت، مستني رد طنط سعاد.
هي أخدت نفس طويل، وبصتلي أنا الأول، وبعدها قالت
وافَق… بس مش دي المفاجأة.
أمي ابتسمت بسرعة وقالت الحمد لله… يبقى نحدد ميعاد الرؤية.
طنط سعاد هزت راسها وقالت
هو وافق بعد ما عرف إنها مطلقة… لكن قال شرط واحد.
أمي اتوترت شرط إيه؟
قالت وهي لسه باصة عليا
قال أنا مش عايز أشوف حد يمثل عليّا أو يوافق عشان فلوسي… عايز أقعد مع البنت لوحدنا ساعة كاملة، ومن غير أي حد يتدخل.
هالة ضحكت بسخرية وقالت أهو أعمى وبيشترط كمان!
طنط سعاد ردت عليها بحدة لأول مرة
هو ضرير يا هالة… لكن مش أعمى عن الناس.
سكتت هالة.
…
بعد يومين، رحت أقابله.
كنت داخلة وأنا قلبي بيرتعش.
لقيته قاعد في الجنينة، لابس بدلة بسيطة،
وشكله هادي بشكل غريب.
أول ما قعدت، ابتسم وقال
أنتِ وفاء؟
قلت أيوة.
قال بهدوء
قبل أي حاجة… أحب أقولك إن فقدان البصر علمني أشوف اللي الناس المبصرة مبتشوفوش.
استغربت.
قال
أنا طلبت أعرف كل حاجة عنك.
اتوترت وقلت بسرعة
لو موضوع الطلاق مضايقك…
قاطعني وقال
بالعكس… اللي عرفته خلاني أحترمك.
بصيت له باستغراب.
ابتسم وقال
عرفت إنك استحملتي ظلم سنين، ولما كرامتك اتكسرت، مشيتي. الست اللي تعرف قيمة نفسها… دي تستحق الاحترام.
أول مرة من سنين أحس إن حد شايفني إنسانة.
مش مطلقة.
مش عبء.
مش مشكلة.
إنسانة.
وبعدين قال جملة خلتني دموعي تنزل
تعرفي؟ كل الناس أول ما تسمع إني ضرير، تشوفني ناقص. وأول ما تسمع إنك مطلقة، تشوفك ناقصة. يمكن ربنا جمع اتنين الناس ظلموهم.
فضلت ساكتة… مش عارفة أرد.
…
قبل ما أمشي قال
مش مستعجل على قرارك. لو رفضتيني هاحترمك. ولو وافقتِ… أوعدك إن عمري ما
هكسر قلبك.
رجعت البيت وقلبي لأول مرة حاسس براحة.
لكن أول ما دخلت…
لقيت أمي وهالة مستنيين.
أول سؤال سألوه مكانش
ارتحتي؟
ولا
الشاب كان عامل إيه؟
أمي قالت بسرعة
ها؟ عيلته عندها كام شركة؟
وهالة قالت وهي بتضحك
قولي بس كتبلك شبكة بكام؟
في اللحظة دي…
بصيت ليهم، وابتسمت ابتسامة هادية، وقلت
لسه مردتش عليه.
وشوفت ملامحهم اتغيرت.
لأنهم لأول مرة حسوا…
إن القرار بقى في إيدي أنا.
يتبع…أمي قامت من مكانها بعصبية وقالت
يعني إيه لسه مردتيش؟! هو حد يلاقي عريس بالمواصفات دي ويستنى؟
هالة ضحكت بسخرية وقالت
إوعي يا وفاء تعملي فيها تقيلة، ده آخر قطار بالنسبالك.
بصيت لها بهدوء وقلت
آخر قطار؟ يمكن… بس هركبه برغبتي، مش عشان حد يزقني فيه.
أول مرة في حياتي أرد عليهم من غير خوف.
دخلت أوضتي وقفلت الباب، وبعد ساعة لقيت تليفوني بيرن.
كان رقم غريب.
رديت.
جالي صوته الهادئ
مساء الخير يا وفاء… أنا كريم.
ابتسمت من غير ما أحس.
قال
اتصلت أعتذر لو كلامي ضايقك النهارده.
قلت باستغراب
تعتذر على إيه؟
قال
حاسس إنك خرجتي من المقابلة شايلة هم كبير.
سكت شوية، وبعدين قال
هو ينفع أسألك سؤال شخصي؟
قلت
اتفضل.
قال
أنتِ وافقتِ عليا… عشان أنا مناسب ليكي؟ ولا عشان حسيتي إن مفيش غيري هيقبل بيكي؟
السؤال نزل على قلبي.
دموعي نزلت من غير صوت.
وقلت بصراحة
كنت فاكرة إن محدش هيبصلي بعد الطلاق… ولما قالولي عنك حسيت إني ماليش حق أرفض.
سكت كريم ثواني.
ثم قال بحزم
يبقى أنا هسحب موافقتي.
اتصدمت.
قلبي وقع.
قبل ما أتكلم، كمل
هسحبها… لحد ما تتأكدي إنك بتختاريني أنا، مش بتختاري الهروب من كلام الناس.
قفلت المكالمة وأنا مش فاهمة.
زعلت…
لكن لأول مرة حسيت إن راجل بيحترم كرامتي أكتر من أي حد في حياتي.
…
بعد يومين، حصل اللي محدش كان متوقعه.
طنط سعاد دخلت البيت وهي متوترة، وقالت لأمي
فيه حاجة لازم تعرفوها.
أمي
اتخضت
خير؟
قالت
عيلة كريم طلبوا يتحروا عن الأسرة كلها… وعرفوا كل اللي حصل يوم ما عرضت العريس.
هالة شحب لونها.
طنط سعاد كملت
وعرفوا إن هالة قالت جوزوه لوفاء عشان مطلقة.
الصمت خيم على البيت.
وعرفوا كمان إن أمها وافقت فورًا من غير حتى ما تسأل رأي بنتها.
وش أمي احمر.
قالت بخوف
طيب… وبعدين؟
طنط سعاد ردت
كريم قال لعيلته إنه مستحيل يدخل بيت بيهين بنت من بناته… إلا لو البنت نفسها قررت تخرج منه بإرادتها.
الكلمات دي خلتني أبص لهم.
أول مرة أشوف الندم في عين أمي…
لكن كان فات أوانه.
وفي نفس اللحظة…
رن جرس الباب.
ولما فتحت…
لقيت راجل كبير أنيق، ومعاه شاب ماسك عصاية بيضا…
لكن أول كلمة قالها الشاب خلت قلبي يقف من المفاجأة
أنا جيت آخد إذن وفاء… لأن فيه حقيقة مخبيتها عنكم من يوم ما اتولدنا.
يتبع…البيت كله اتجمد.
أمي بصت للشاب باستغراب وقالت
حقيقة إيه؟
ابتسم كريم بهدوء وقال
أنا مش جاي أتكلم عن الجواز دلوقتي… أنا جاي أقول حاجة كان لازم تتقال من زمان.
الراجل الكبير اللي واقف جنبه قال
أنا والد كريم.
وقعد وهو بيبص ناحية أمي وقال
من سبعة وعشرين سنة… حصل موقف عمري ما نسيته.
أمي بدأ القلق يظهر على وشها.
قال الرجل
أنا كنت شغال مع والد وفاء الله يرحمه. وكان بينا عشرة عمر.
وفجأة وش أمي اصفر.
كريم كمل
وأبويا حكالي إن بابا الله يرحمه كان دايمًا يقول له لو ربنا رزقك بولد ورزقني ببنت، نبقى نسايب.
أمي قالت بسرعة
ده كلام قديم… والأقدار اتغيرت.
ابتسم والد كريم وقال
فعلاً اتغيرت… لكن اللي متغيرش هو أخلاق والد وفاء.
وبعدين سكت لحظة وقال
ولما سمعنا إن وفاء اتطلقت، ما فكرناش إنها مطلقة… فكرنا إنها بنت الراجل الأصيل.
الدموع لمعت في عيني.
لأول مرة حد يفتكر أبويا بالخير قدام الناس.
كريم قال
وأول ما طنط سعاد عرضت عليا هالة، قلت لها قبل ما أفكر في أي بنت، احكيلي عن أختها
الكبيرة.
هالة بصت له بصدمة.
ولما عرفت اللي حصل معاها في جوازها، واللي حصل يوم ما اتعرضت عليكم… عرفت إن اللي اتكسر فيها مش ذنبها.
سكت شوية، ثم قال
لكن في حاجة ضايقتني.
أمي سألت بخوف
إيه هي؟
قال
إن أكتر ناس كان المفروض يسندوها… هما اللي كسروها.
نزلت عيون أمي في الأرض.
أما هالة، فكانت أول مرة مش لاقية كلمة ترد بيها.
كريم وقف وقال
أنا لسه عند وعدي. لو وفاء وافقت بعد ما تفكر براحتها… أنا هشرف بطلب إيدها.
ثم ابتسم وقال
ولو رفضت… هدعيلها تلاقي اللي يستحقها.
ولما خرج هو ووالده…
فضل البيت ساكت.
لكن الصمت المرة دي كان تقيل…
لأن كل واحد في البيت بدأ يشوف نفسه في المراية لأول مرة.
في نص الليل…
هالة فضلت صاحية، وكل شوية تبص على أوضة وفاء.
ولما اتأكدت إن الكل نام…
طلعت موبايلها، ودورت على رقم طنط سعاد اللي كانت واخداه من موبايل أمها.
اتصلت.
طنط سعاد ردت باستغراب
خير يا هالة؟
هالة قالت بصوت هادي وهي بتحاول تبان بريئة
بصي يا طنط… أنا بكلمك من غير ما حد يعرف. بس لازم توصلي لكريم رسالة.
طنط سعاد سكتت.
هالة كملت
قوليله إن وفاء وافقت عليه عشان فلوسه بس… وإنها كانت بتقول لأمي إنها أول ما تتجوزه هتخليه يكتب كل حاجة باسمها وبعدها هتسيبه.
طنط سعاد قامت من مكانها بعصبية.
وقالت بحدة
إنتِ متأكدة من اللي بتقوليه؟
هالة كذبت بكل ثقة
طبعًا… وأنا مش هكدب.
طنط سعاد قفلت المكالمة من غير ما تعلق.
…
تاني يوم الصبح…
وفاء صحيت على صوت جرس الباب.
فتحت.
لقيت طنط سعاد.
لكن الغريب…
إن كريم كان واقف معاها.
وشه هادي جدًا.
مفيهوش أي غضب.
قال
ينفع نتكلم خمس دقايق؟
وفاء قلبها وقع.
افتكرت إن كل حاجة انتهت.
قعدوا في الصالون.
كريم طلع موبايله، وحطه قدام هالة.
وضغط تشغيل.
وفجأة…
صوت هالة ملأ المكان.
كانت المكالمة كلها متسجلة.
كل كلمة كذبتها…
كل محاولة تشويه…
كانت واضحة.
هالة اتجمدت.
وأمي حطت إيدها على بقها من الصدمة.
كريم قال بهدوء
أنا كنت عامل تسجيل للمكالمات بسبب شغلي… ولما طنط سعاد كلمتني بعد مكالمتك، بعتتلي التسجيل.
ثم لف ناحية هالة وقال
أنا ضرير… لكن واضح إن اللي مش بيشوف الحقيقة مش أنا.
نزلت هالة تبكي.
وقالت
أنا.
أنا كنت غيرانة.
وفاء بصتلها في صمت.
أما أمي…
فأول مرة وقفت قدام بنتها الكبيرة وقالت بصوت مكسور
سامحيني يا وفاء… ظلمتك.
لكن وفاء كانت لسه ساكتة…
لأن الجرح اللي اتفتح سنين…
مش بيتقفل بكلمة آسفة.
وفي نفس اللحظة…
رن تليفون كريم.
رد…
واتغيرت ملامح وشه فجأة.
قال بصوت متوتر
إيه؟! إمتى حصل كده؟!
وقف بسرعة.
وفاء سألته بقلق
فيه إيه؟
بصلها وقال
الشركة بتاعتي حصل فيها حريق كبير… وكل حاجة ممكن تكون اتدمرت وساعتها…
الكل افتكر إن كريم بقى مجرد راجل ضرير خسر ثروته…
إلا وفاء…
اللي قالت جملة واحدة غيّرت كل شيء
أنا موافقة… حتى لو مابقاش معاك غير قلبك.
يتبع…عدّى أسبوع.
ولا كريم اتصل.
ولا طنط سعاد جت.
الغريب… إني أنا اللي بقيت مستغربة من غيابه.
مش لأني تعلقت بيه…
لكن لأن أول مرة حد دخل حياتي، واحترم قراري، ومضغطش عليا.
وفي ليلة، وأنا واقفة في البلكونة، سمعت أمي بتنادي عليا
وفاء… تعالي بسرعة.
خرجت.
لقيت طنط سعاد قاعدة ووشها متوتر.
أول ما شافتني قالت
كريم عمل حاجة محدش كان يتوقعها.
قلبي دق بسرعة.
قلت
خير؟
قالت
رفض أكتر من عروسة خلال الأسبوع اللي فات.
هالة ضحكت بسخرية
أكيد عامل نفسه بقى.
طنط سعاد بصتلها وقالت
لا… كان بيرفض بسبب واحد.
سكتنا كلنا.
قالت
كل ما يعرضوا عليه بنت، يقول أنا وعدت إنسانة إني مستني قرارها… والراجل كلمته واحدة.
الكلمة دي دخلت قلبي من غير استئذان.
لكن المفاجأة الحقيقية لسه ما جاتش.
طنط سعاد فتحت شنطتها، وطلعت ظرف أبيض.
وقالت
الظرف ده كريم اداهولي مخصوص عشان أوصله
لوفاء.
إيدي كانت بتترعش وأنا باخده.
فتحته.
لقيت جواه ورقة واحدة.
مكتوب فيها بخط مرتب
يا وفاء… لو حسيتِ يوم إن موافقتك عليا هتبقى بسبب فلوسي… ارفضي. ولو حسيتِ إنك وافقتِ عشان شفقة… ارفضي. لكن لو في يوم حسيتِ إنك شايفة فيا راجل يحفظ كرامتك… وقتها بس ابعتيلي كلمة واحدة موافقين.
تحت الرسالة…
كان فيه مفتاح صغير مربوط بشريط أزرق.
استغربت.
بصيت لطنط سعاد.
قلت
مفتاح إيه ده؟
تنهدت وقالت
ده مفتاح شقته.
شهقت أمي.
أما هالة فقالت بسرعة
يعني بيديها شقته؟!
طنط سعاد هزت راسها وقالت
لا… بيديها الأمان.
ثم كملت بصوت هادئ
قالها بالحرف لو وافقت، أول حاجة هتتكتب باسمها هي البيت… قبل حتى كتب الكتاب.
في اللحظة دي…
هالة اتغير لون وشها.
ولأول مرة من يوم ما الموضوع بدأ…
ظهر في عينيها شيء ماكنش احتقار…
كان غيرة.
لكن اللي محدش كان يعرفه…
إن هالة، في نفس الليلة، عملت حاجة من ورا الكل…
ولو نجحت…
كانت هتقلب حياة وفاء وكريم رأسًا على عقب.
يتبع…وفاء قالتها من غير تردد
أنا موافقة… حتى لو مابقاش معاك غير قلبك.
كريم سكت.
ابتسم ابتسامة صغيرة، وكأن الحمل اللي فوق كتفه وقع.
أما أمي وهالة، فبصوا لبعض في ذهول.
هالة همست
إنتِ اتجننتي؟! الشركة اتحرقت، يعني الفلوس راحت!
وفاء بصتلها بهدوء وقالت
أنا وافقت على كريم… مش على فلوس كريم.
كريم
مد إيده ناحية الصوت وقال
ينفع تمسكي إيدي؟
وفاء حطت إيدها في إيده لأول مرة.
قال بهدوء
تعالي معايا.
…
ركبوا العربية، وبعد حوالي نص ساعة وصلوا قدام مبنى ضخم.
وفاء استغربت وقالت
إحنا فين؟
ابتسم كريم وقال
افتحي الباب وانزلي.
أول ما نزلت، لقت عشرات الموظفين واقفين قدام المبنى.
وأول ما سمعوا صوت كريم، كلهم قالوا بصوت واحد
الحمد لله على سلامتك يا فندم.
وفاء اتلخبطت.
همست
هو… مش قلت إن الشركة اتحرقت؟
ضحك كريم لأول مرة بصوت عالي.
وقال
المخزن القديم هو اللي حصل فيه حريق… أما الشركة، ولا اتأذت.
وفاء بصت له باستغراب.
قال
لما سمعتي الخبر، كنتِ فاكرة إني خسرت كل حاجة.
هزت رأسها.
ومع ذلك… قلتي موافقة.
ابتسم وقال
كنت محتاج أتأكد إن اللي اختارني… اختارني أنا.
في اللحظة دي، خرج رجل كبير من المبنى.
وقال
مبروك يا ابني… أخيرًا لقيت البنت اللي تستحقك.
لكن قبل ما حد يفرح…
وقف شاب أنيق نازل من عربية فخمة قدام الشركة.
أول ما شاف وفاء، اتجمد مكانه.
أما وفاء…
فاتغير لون وشها فجأة.
همست بخوف
مستحيل…
كريم حس بتوترها
وسأل
تعرفيه؟
وفاء ردت بصوت مرتعش
ده… طليقي.
وطليقها أول ما لمحها واقفة جنب كريم، ابتسم ابتسامة غامضة وقال
واضح إنك نسيتي إن لسه بينا حساب… والحساب ده جه وقت تصفيته.
يتبع…طليق وفاء وقف قدامها وهو مبتسم ابتسامة مستفزة.
قال
مبروك… شكلك لقيتي البديل بسرعة.
وفاء بصتله بثبات، رغم إن قلبها كان بيدق بعنف.
وقالت
إنت مالك؟
ضحك وقال
ليّا حق أعرف… مراتي السابقة واقفة مع أشهر رجل أعمال في البلد.
كريم سأل بهدوء
حضرتك مين؟
رد وهو رافع راسه
أنا طليقها.
مد كريم إيده في اتجاه صوته وقال
تشرفت.
الراجل اتردد، لكن صافحه.
كريم قال بنفس الهدوء
طالما بقيت طليقها، يبقى أتمنى تحترم حياتها الجديدة.
طليق وفاء ضحك بسخرية.
وقال
واضح إنهم مخبوش عليك حاجة.
وفاء اتوترت.
قال
قالولك مثلًا إنها خرجت من بيتي من غير ما تاخد هدومها؟ وإنها كانت كل يوم تعمل مشاكل مع أمي؟
قبل ما وفاء تتكلم…
جاء صوت من خلفهم
كفاية كدب.
الكل لف.
كانت طنط سعاد، ومعاها رجل كبير في السن.
قالت
ده عم حسين… جارهم القديم.
عم حسين قرب وقال
أنا ساكت بقالى سنين،
لكن خلاص.
وبص لطليق وفاء وقال
أنا شفت بعيني أمك وهي بتهين وفاء كل يوم، وشفتك وإنت واقف ساكت.
طليقها حاول يقاطعه.
لكن عم حسين كمل
وشفت كمان يوم ما وفاء خرجت من البيت… كانت خارجة بإزازة مية وكيس هدوم صغير، بعد ما أمك رمت باقي حاجتها في الشارع.
الناس اللي قدام الشركة بدأوا يبصوا لطليقها باستغراب.
اتلخبط، وقال بعصبية
ده كلام فاضي.
في اللحظة دي، خرجت عربية شرطة ووقفت قدام المبنى.
نزل منها ظابط.
وقال
الأستاذ كريم؟
رد
اتفضل.
قال الظابط
لقينا الشخص اللي تسبب في حريق المخزن.
كريم سأل
مين؟
الظابط بص ناحية طليق وفاء وقال
والغريب… إن اسم حضرتك موجود في التحقيقات كشخص قابل المتهم قبل الحريق بساعات.
وش طليق وفاء اصفر.
وفاء بصتله بصدمة.
وقال الظابط
هنتفضل معانا للتحقيق.
حاول ينكر، لكن الضابط قال
كل الكلام ده هيتحقق فيه رسمي.
وأثناء ما كانوا بياخدوه…
بص لوفاء وقال بغضب
إنتِ السبب في كل اللي حصلي.
وفاء ردت بهدوء
لا… كل واحد بيحصد اللي زرعه.
وأول ما عربية الشرطة مشيت…
كريم لف ناحية وفاء وقال بابتسامة
دلوقتي… ينفع أطلب إيدك من جديد، من غير أي خوف من الماضي؟
ولأول مرة منذ سنوات…
ابتسمت وفاء من قلبها وقالت
المرة دي… موافقة وأنا رافعة راسي.
النهاية.
